पोखरा, ७ माघ। चीनको स्मार्टफोन बजारले सन् २०२४ मा चार प्रतिशतको वृद्धिसहित सुधार गरेको छ। क्यानालिसको रिपोर्टअनुसार कुल २८५ मिलियन स्मार्टफोन इकाइ ढुवानी भएको छ। पछिल्लो वर्षको तुलनामा यो वृद्धिले बजारको नयाँ सम्भावनाहरू उजागर गरेको छ।
चीनको बजारमा शीर्ष स्थान भिभोले हासिल गरेको छ। कम्पनीले ४९.३ मिलियन इकाइ ढुवानी गर्दै अग्रस्थान कायम गरेको हो। ह्वावे दोस्रो स्थानमा रहँदा ४६ मिलियन इकाइ ढुवानीसहित ३७ प्रतिशत वार्षिक वृद्धि गर्न सफल भएको छ। तेस्रो स्थानमा रहेको एप्पलले १३.१ मिलियन इकाइ ढुवानी गरेको छ। तर यो अघिल्लो वर्षको तुलनामा २५ प्रतिशतले कम हो।
एप्पलका लागि सधैं चौथो त्रैमासिक उत्कृष्ट समय हुने गरेको छ। नयाँ आईफोनको लन्चले परम्परागत रूपमा बजारमा एप्पलको उपस्थिति बलियो बनाउने गरेको छ। यद्यपि, यसपटक भिभो र ह्वावेले समान १२.९ मिलियन इकाइ ढुवानी गर्दै प्रतिस्पर्धा तीव्र बनाएका छन्।
क्यानालिसले आगामी वर्षको लागि २९० मिलियनभन्दा बढी इकाइ ढुवानी हुने अनुमान गरेको छ। लामो ब्याट्री समय, हल्का र स्लिम डिजाइन, तथा परिष्कृत एआई–संचालित प्रणालीले उपभोक्ताहरूलाई आकर्षित गर्ने अपेक्षा गरिएको छ। अनुसन्धान विश्लेषक लुकास झोङका अनुसार नयाँ प्रविधिले सबै मूल्य खण्डका उपभोक्ताहरूलाई लाभान्वित गर्नेछ।
