पोखरा, ११ चैत्र। नेपाल स्टक एक्सचेन्ज (नेप्से) सोमबार दोहोरो अंकले वृद्धि भई २६४०.७८ को विन्दुमा पुगेको छ। करिब दुई सातादेखि लगातार ओरालो लागिरहेको नेप्सेमा सोमबार २६.१० अंकको सुधार आएको हो।
निरन्तर ६ कारोबार दिनसम्म दोहोरो अंकले गिरावट बेहोरेको बजार सोमबार दोहोरो अंककै वृद्धिसहित हरियो देखिएको हो। यस दिन ९७ लाख ३९ हजार ७३८ कित्ता सेयर किनबेच हुँदा कुल कारोबार रकम ४ अर्ब ४८ करोड ३५ लाख ९९ हजार रुपैयाँ पुगेको छ।
यसअघि आइतबार नेप्से ५३.०४ अंकले घट्दै २६१६.२६ विन्दुमा बन्द भएको थियो। उक्त दिन ६ अर्ब ३२ करोड रुपैयाँभन्दा बढीको कारोबार भएको थियो।
सोमबार गार्डीयन माइक्रो लाइफ इस्योरेन्स, पोखरा फाइनान्स र समृद्धि फाइनान्सका लगानीकर्ताले सर्वाधिक नाफा कमाएका छन्। कारोबार रकमका आधारमा हिमालयन रिइन्स्योरेन्स ३२ करोड ६९ लाख रुपैयाँको कारोबारसहित अग्रस्थानमा रहेको छ।
