१५ मंसिर, काठमाडौं। जनकपुर बोल्ट्सले नेपाल प्रिमियर लिग (एनपीएल) को पहिलो खेलमा विराटनगर किंग्सलाई ८ विकेटले पराजित गर्दै विजयी सुरुवात गरेको छ। लाहिरु मिलान्थाको अविजित ७५ रन र हर्ष थाकेरको २९ रनको सहयोगमा जनकपुरले १२८ रनको लक्ष्य १५.३ ओभरमा मात्र २ विकेट गुमाएर पूरा गर्यो।
विराटनगरका लागि मार्टिन गप्टिलले ४३ बलमा ५४ रन बनाए पनि अन्य ब्याटरले योगदान दिन नसक्दा टोलीले १९ ओभरमा १२७ रनमै सिमित रह्यो। गप्टिल एनपीएलमा पहिलो अर्धशतक बनाउने र पहिलो छक्का प्रहार गर्ने खेलाडी बने।
जनकपुरका बलर ललित राजवंशीले उत्कृष्ट प्रदर्शन गर्दै ४ ओभरमा २८ रन खर्चेर ३ विकेट लिए। हर्ष थाकेरले २ विकेट लिए भने किशोर महतोले पनि योगदान गरे।
मिलान्था र थाकेरको शतकीय साझेदारीले जनकपुरलाई सहज जित दिलायो। कप्तान अनिल शाह र आसिफ शेख छिट्टै आउट भए पनि यस जोडीले खेललाई जिततर्फ डोर्याए। यो खेल जनकपुरका बलर र ब्याटरको सामूहिक प्रदर्शनले स्मरणीय बन्यो।
