पोखरामा सहकारी कर्जा अधिकृत पक्राउ

पोखरा । पोखरामा रहेको बलिदानी बचत तथा ऋण सहकारी संस्थाका कर्जा अधिकृत नवीन भण्डारीलाई बचत रकम अपचलनको अभियोगमा कास्की प्रहरीले पक्राउ गरेको छ। स्याङ्जाका स्थायी घर भएका २७ वर्षीय भण्डारी पोखरा-८, आलुमाइला चोकमा बसोबास गर्दै आएका थिए।

भण्डारीलाई सोमबार पोखरा ९, पृथ्वीचोकबाट पक्राउ गरिएको हो। उनले सहकारीको नियम विपरीत हिनामिना र अपचलन गरी ठगी गरेको आरोप लागेको छ। प्रहरीले उनलाई मंगलबार अदालतमा प्रस्तुत गरेको थियो। यस घटनासँगै पोखरामा सहकारी संस्था सम्बन्धी अन्य घटनाहरू पनि प्रकाशमा आएका छन्।