सुनको भाउ तोलामा २ हजारले बढ्यो

काठमाडौं, पुस १९। एकैदिन सुनको भाउ तोलामा २ हजार रुपैयाँले बढेर प्रतितोला १ लाख ५३ हजार ५ सय रुपैयाँ पुगेको छ। नेपाल सुनचाँदी व्यवसायी महासंघका अनुसार अघिल्लो दिन १ लाख ५१ हजार ५ सय रुपैयाँमा कारोबार भएको सुनको भाउ शुक्रबार थप वृद्धि भएको हो।

चाँदीको मूल्यमा पनि वृद्धि भएको छ। अघिल्लो दिन प्रतितोला १ हजार ७९० रुपैयाँ रहेको चाँदीको भाउ यस दिन १ हजार ८१० रुपैयाँ पुगेको महासंघले जनाएको छ।

सुनचाँदीको भाउमा आएको यो वृद्धिले बजारमा केही चाप सिर्जना गर्न सक्ने व्यवसायीहरूको अनुमान छ।