तीन संसदीय समितिका बैठक आज

काठमाडौँ, २८ पुस। आज काठमाडौँमा तीन संसदीय समितिका बैठकहरू बस्ने भएका छन्। अर्थ समितिको बैठक बिहान ११ बजे बस्नेछ, जसमा भन्सार सम्बन्धी कानुनलाई संशोधन र एकीकरण गर्न बनेको विधेयक २०८० का विषयमा सरोकारवालाहरू र विज्ञहरूसँग छलफल हुनेछ।

त्यस्तै, मध्यान्ह सवा १२ बजे राज्य व्यवस्था तथा सुशासन समितिको बैठकमा सङ्घीय निजामती सेवाको गठन, सञ्चालन, र सेवाका सर्तसम्बन्धी विधेयकमा छलफल हुनेछ।

यसैगरी, बिहान साढे ११ बजे विधायन व्यवस्थापन समितिको बैठक हुनेछ। बैठकमा तिलगंगा नेत्र विश्वविद्यालय विधेयक २०८१ माथि दफावार छलफल हुने बताइएको छ।