पोखरा, २० फागुन। नेकपा (एमाले) मोरङको १०औं जिल्ला अधिवेशनमा नयाँ नेतृत्व चयनका लागि उम्मेदवार दर्ता गरिएको छ। अध्यक्ष केपी शर्मा ओली र पूर्वराष्ट्रपति विद्यादेवी भण्डारीका पक्षले छुट्टाछुट्टै प्यानल बनाएका हुन्। संस्थापन पक्षबाट अध्यक्षका लागि राजकुमार ओझा, उपाध्यक्ष शान्ति लिम्बू भुजेल, सचिव रविन थापा, उपसचिव शिल्पा निराला कार्की र एर्जालाल राजवंशीले उम्मेदवारी दर्ता गरेका छन्। अर्कोतर्फ, विनोद ढकालका पक्षबाट अध्यक्षका लागि अजम्बर राई, उपाध्यक्ष सागर थापा, सचिव सोमराज थापा, उपसचिव सन्तोष वान्तवा र उषा झाले उम्मेदवारी दिएका छन्।
ओझा समूहलाई अध्यक्ष ओलीको समर्थन रहेको र राई समूहलाई पूर्वराष्ट्रपति भण्डारीको साथ रहेको भनिन्छ। निर्वाचनमा ९११ प्रतिनिधिहरू भाग लिने छन्। केन्द्रीय निर्वाचन आयोगका सदस्य समीर नेपालको नेतृत्वमा निर्वाचन कमिटी गठन गरिएको छ।
