पोखरा, ४ चैत्र। नेपाली चलचित्रकर्मीहरुले प्रजातन्त्र र गणतन्त्रमा सिनेमामा हुने सेन्सरको कडा भेदभावको विरोध गरेका छन्। चलचित्र निर्देशक अशोक शर्मा, अभिनेता दयाहाङ राई, र अन्य चलचित्रकर्मीहरूले सेन्सर बोर्डको कामको आलोचना गर्दै यस विषयमा अब निर्णायक कदम चाल्ने चेतावनी दिएका छन्।
अशोक शर्मा अनुसार, ०४६ सालपछि चलचित्रको सेन्सरमा लचकता थियो, तर गणतन्त्रपछि सेन्सर बोर्डले कडा नीति अपनाएको छ। उनले उदाहरणस्वरूप आफ्नै चलचित्र ‘निरमाया’को कुरा गर्दै भने, “गणतन्त्रपछि हाम्रो चलचित्रका कन्टेनलाई सेन्सरले समस्यामा पार्न थाल्यो, जुन पहिले थिएन।” उनले प्रजातन्त्रको समयमा सेन्सरमा केही लचकता थियो भने अहिले, यसले निरंकुश र कडा प्रतिबन्ध लगाएको बताए।
अभिनेता दयाहाङ राईले पनि सेन्सरलाई समस्या बताउँदै भने, “हामी अहिले स्क्रिप्ट लेख्दा पनि सोच्छौं कि के यो सेन्सरबाट पास हुनेछ कि छैन?” उनले सेन्सरको कारण कलाकार र निर्देशकले स्वतन्त्रता गुमाउने स्थितिको बारेमा व्यंग्य गरेका छन्।
निर्देशक नवीन सुब्बाले भने, “विदेशमा सिनेमामा ग्रेडिङ हुने हो, सेन्सर हुँदैन। यहाँ भने यत्रा कडा छ र हामीलाई अन्तर्राष्ट्रिय स्तरमा अपमानित गरिन्छ।” उनले नेपालका सिनेमाका निर्देशक र कलाकारहरूले सेन्सरको निरंकुश हस्तक्षेपको बिरोध गर्दै आन्दोलनको तयारी थालेको जनाएका छन्।
चलचित्रकर्मीहरूले सेन्सर बोर्डको संरचनामा सुधारको माग गर्दै सरकारसँग संवाद गर्ने तयारी गरेका छन्। यदि सहमति नपाए, भने उनीहरू आन्दोलनको पथमा उत्रन तयार छन्। यो विषय अब निर्णायक तहमा पुगेर यो समस्या समाधान गर्नुपर्ने उनीहरूको धारणा छ।
