चलचित्र ‘डोरी’को ट्रेलर सार्वजनिक

पोखरा, ४ चैत्र। चलचित्र ‘डोरी’को ट्रेलर आइतबार सार्वजनिक गरिएको छ। ट्रेलरमा अधिकांश पात्रहरूको प्रस्तुत गरिएको छ र चलचित्रको शीर्षक वरपरको घटनाक्रमलाई दर्शाइएको छ।

‘डोरी’ चलचित्रका कथानकमा शक्ति रहेको डोरीलाई खोज्दै आउने घटनाहरू र त्यसमा देखिने थ्रिल तथा हरर दृश्यहरू प्रमुख आकर्षण रहेका छन्।

यो चलचित्रको लेखन र निर्देशन अरुण लामाले गरेका हुन्, जसले चलचित्रमा प्रमुख भूमिका पनि निभाएका छन्। अन्य कलाकारहरूमा प्रवीण खतिवडा, शिशिर बाङ्देल, प्रकाश घिमिरे, अञ्जना बराइली, राज पौडेल, कविता आले, नूतन, राज थापा, र वीरेन्द्र सिंह कुशवाहा प्रमुख भूमिकामा देखिने छन्।

‘डोरी’ चलचित्र चैत १५ गते रिलिज हुने छ। यसका निर्माता दिनेश भट्टराई हुन् भने कार्यकारी निर्माता राज थापा रहेका छन्।