पोखरा, ३ वैशाख। नेपाल आयल निगमले पेट्रोलियम पदार्थको मूल्य घटाउने निर्णय गरेको छ। भारतबाट आयात हुने इन्धनको मूल्यमा आएको गिरावटलाई आधार बनाएर निगमले बुधबारदेखि लागू हुने गरी पेट्रोल, डिजेल र मट्टितेलको मूल्य प्रतिलिटर ३ रुपैयाँले घटाएको हो।
निगमद्वारा जारी विज्ञप्तिअनुसार अब राजधानी काठमाडौँमा पेट्रोलको नयाँ मूल्य प्रतिलिटर १६० रुपैयाँ कायम हुनेछ भने डिजेल र मट्टितेलको मूल्य १४६ रुपैयाँ प्रति लिटर पुगेको छ।
भारतबाट प्रत्यक्ष रूपमा आयात हुने पेट्रोलियम पदार्थको मूल्य अन्तर्राष्ट्रिय बजारसँगै उतारचढाव भइरहने हुँदा समायोजन आवश्यक हुने बताउँदै निगमले उपभोक्ताको हितलाई ध्यानमा राखी मूल्य समायोजन गरिएको जनाएको छ।
निगमले मूल्य समायोजनका क्रममा इन्धन आपूर्ति सुचारु राख्ने र घाटा न्यूनीकरण गर्दै उपभोक्तालाई सहज मूल्यमा सेवा उपलब्ध गराउने नीतिअनुसार निर्णय गरिएको स्पष्ट पारेको छ।
पछिल्लो समय लगातार रूपमा इन्धनको मूल्यवृद्धिले जनजीवनमा असर पारिरहेका बेला मूल्य घटेको समाचारले केही राहत मिल्ने अपेक्षा गरिएको छ।
