गण्डकी कोटिहोममा भक्तजनहरूको उत्साह (तस्विरमा गण्डकी कोटिहोम)

पोखरा, १५ वैशाख। पोखराको बिरौटास्थित गण्डकी कोटिहोममा जारी विराट ज्ञान महायज्ञमा भक्तजनहरूको उल्लेखनीय उत्साह देखिएको छ। धार्मिक वातावरणले भरिएको कोटिहोम परिसरमा भजन, सत्सङ्ग, कथा प्रवचन र पूजापाठका कार्यक्रमहरू निरन्तर सञ्चालन भइरहेका छन्। महायज्ञको प्रचारप्रसारका लागि आयोजित रात्रीकालीन पैदल यात्रा, साइकल र्‍याली, ट्याक्सी र मोटरसाइकल र्‍यालीले पोखरामा धार्मिक जागरण ल्याएको छ। आयोजक मानवसेवा फाउण्डेशनले महायज्ञलाई ऐतिहासिक बनाउन देशविदेशका श्रद्धालुहरूलाई सहभागी हुन आह्वान गरेको छ।