सत्तारुढ दलहरूको बैठक आज बालुवाटारमा बस्दै

काठमाडौं, १४ माघ । सत्तारुढ दलहरूको बैठक आज साँझ ५ बजे प्रधानमन्त्री केपी शर्मा ओलीको निवास बालुवाटारमा बस्ने भएको छ। बैठकमा माघ १८ गते सुरु हुने हिउँदे अधिवेशन, संसदमा पेस गरिने विधेयक र सरकारका कामकारबाहीका विविध विषयमा छलफल हुनेछ।

प्रधानमन्त्री ओलीले बोलाएको यो बैठकमा नेकपा एमाले, नेपाली कांग्रेस, जनता समाजवादी पार्टी (जसपा), नागरिक उन्मुक्ति पार्टी, लोकतान्त्रिक समाजवादी पार्टी (लोसपा), र जनमत पार्टीका नेताहरू सहभागी हुनेछन्।

सरकारका प्राथमिकता, संसदमा दर्ता भएका विधेयकहरूको टुंगो लगाउने तथा भावी रणनीतिमा सत्तारुढ दलहरूको सहकार्यलाई बलियो बनाउन बैठक केन्द्रित हुने बताइएको छ।