माछापुच्छ्रे बैंकको इक्वीटी फन्डमा आवेदन खुल्यो

पोखरा, २२ फागुन। माछापुच्छ्रे बैंकको कोष प्रवद्र्धनमा सञ्चालन हुने एमबीएल इक्वीटी फन्डमा आवेदन प्रक्रिया खुला गरिएको छ। यस फन्डको कुल १२ करोड इकाई निष्कासन हुनेछ, जसमा कोष प्रवद्र्धक बैंक र योजना व्यवस्थापक माछापुच्छ्रे क्यापिटललाई छुट्याएपछि बाँकी १० करोड २० लाख इकाई सार्वजनिक रुपमा निष्कासन गरिएको छ।

यो म्युचुअल फन्डको अंकित मूल्य १० रुपैयाँ तय गरिएको छ र न्यूनतम १ सय इकाइको लागि आवेदन दिन सकिनेछ। यो योजना बन्दमुखी हुनेछ र बजारमा सूचीकृत भइ कारोबार गरिनेछ। आवेदन प्रक्रिया अनलाइन प्रणाली “मेरोसेयर” मार्फत सञ्चालन हुनेछ।

सार्वजनिक आवेदको लागि फागुन २६ देखि आवेदन खुल्ला हुनेछ। यदि सो अवधिमा सबै इकाइ बिक्री नभएमा चैत ७ सम्म आवेदन दिन सकिनेछ।