पोखरा, २६ फागुन। शहीद स्मारक बी डिभिजन लिगको उद्घाटन खेलमा च्यासल युथ क्लब र वीरगंज युनाइटेडबीच गोलरहित बराबरी भएको छ।
आइतबार त्रिपुरेश्वरस्थित दशरथ रंगशालामा भएको उद्घाटन खेलमा दुवै टोलीले गोल नगरी अंक बाँडेका हुन्। खेलको प्रारम्भदेखि नै दुवै टोलीले गोल गर्ने केही अवसर पाए तापनि ती अवसरको सदुपयोग गर्न सकेनन्। यसका कारण, खेल अन्ततः गोलरहित बराबरीमा टुंगियो।
यो लिग तीन वर्षपछि अखिल नेपाल फुटबल संघ (एन्फा) ले आयोजना गरेको हो। लिगमा च्यासल युथ क्लब र वीरगंज युनाइटेडसहित कूल १४ क्लबले प्रतिस्पर्धा गर्नेछन्। बी डिभिजन लिगको आगामी खेल सोमबारदेखि सातदोबाटोस्थित एन्फा कम्प्लेक्स सातदोबाटोमा सुरु हुने जानकारी प्राप्त भएको छ। सोमबार दुई खेल हुनेछन्। पहिलो खेल झापा फुटबल क्लब र प्लानिङ ब्वाइज युनाइटेडबीच १२:३० बजे सुरु हुनेछ भने दोस्रो खेल ब्रिगेड ब्वाइज क्लब र श्री कुमारी क्लबबीच साढे ३ बजे हुनेछ।
